Mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə əsasən Azərbaycan Respublikasının mədəniyyət naziri Adil Kərimli Kürdəmirdə vətəndaşları qəbul edəcək.

Axşam.az-ın məlumatına görə, Mədəniyyət Nazirliyindən bildirilib ki, Kürdəmir, Ucar, Zərdab, Ağdaş, Yevlax, Mingəçevir, Göyçay rayonlarından olan vətəndaşların qəbulu 2024-cü il dekabrın 14-də saat 10:00-da Kürdəmir rayon Yeni Azərbaycan Partiyasının inzibati binasında (ünvan: Kürdəmir şəhəri, Heydər Əliyev prospekti 20) keçiriləcək.